Tuesday, January 23, 2007

KORESPONDENSIA LITERARIA I

Introdusaun

Dala ruma ha'u buka halo korespondensia literaria ho kolega eskritor/a sira hosi Indonezia kona-ba literatura liu hosi SMS. No, dala ruma mos, liu hosi e-mail. Ha'u mos sei buka publika, iha tempu ikus mai, korespondensia ne'ebe ha'u halo ho eskkritor/a hosi rai seluk mos.
****

SMS ba/mai ho Selma, kolega poetiza Indonezia nian ida ne'ebe oras ne'e hela iha Dili (korespondensia orijinalmente hala'o iha lian Indonezia: data//22-1-2007):

ABE: definisaun poezia la'os saida maka ita hatete maibe oinsa maka ita hatete, kona-ba ita-nia lalaok maka beik, estupidu, no parvu. iha komentariu ruma? (20:26:07)

SELMA: hein lai,ha'u dada iis lai. ha'u tama iha lasu laran [bainhira ema baku malu] besik embaixada australia, hafoin tiha sai hosi uma nug nian. (20:22:51)

SELMA: la konkorda! (20:28:03)

ABE: ok. entaun, tuir o nia hanoin, poezia ne'e saida, belun? eh,oinsa loos situasaun ohin ne'e? (20:36:35)

SELMA: ba ha'u, halai liuba saida maka ita hatete, maski buat ne'e estupidu, laran susar, impresaun, sst. tauk loos, hakfodak, kahur malu dala ida. (20:34:17)

ABE: ok, ita konkorda atu la konkorda malu. tuir ha'u-nia hanoin, konserteza iha elementu "saida" mos iha deskrisaun kona-ba realidade. maibe, iha tempu maka hanesan, bainhira ema nain rua haree buat ida maka hanesan, konserteza esforsu deskrisaun ne'e, entre sira, la hanesan, loos kala'e? (20:47:20)

SELMA: sim, bele, hanesan mos fotografu sira. objetu ne'ebe hanesan, rezultadu foto sei, konserteza, oin seluk. (20:47:26)

1 comment:

Inikumalay a. M. said...

hu konkorda ho maun Abe. klaru katak iha poezia improtante laos saida mak ita hatete maibe oinsa ita hatete. Tanba puisi nee, hau tenik tuir Sapardi Djoko Damono, poeta ndonezino dehan, " puisi adalah bagaimana mengatakan ini dengan cara itu". Hau mos konkorda ho hanoin ida nee.