Wednesday, November 5, 2008

ESPRESAUN POETIKA XII

MANATUTO, EPIZÓDIU DADEER

dadeer hatudu nia buras, dadeer hatudu nia matak
ho mahon-been horikalan nian
mak naktabar iha hare tahan

ha’u ain bokon, kona bee natar, mak suli la maran
ha’u tilun rona manu-liin, haklaken lian-hananu

ha’u hakat bá hamrik iha kabubu leten
lolo liman hamulak, lolo liman harohan, atu hetan hare fulin tebar
--
5 Novembru 2008

1 comment:

Ildefonso Pereira Kabôran said...

Amlout,...
dadersan deit ba halo tiha ona site vizit iha natar,
ida ne'e maka Esperança ida ba "pão nosso de cada dia" nian.