AFORISMA DIARIA [21-6-2007]

[Semana ida loron ida liutiha maka ha'u mai fali atualiza blog ne'e. Agora iha TT Akait. Ha'u la mai loron hirak ne'e tanba okupadu ho servisu no mos ha'u moras tiha....Iha Kinta, Sesta, Sabadu no Domingu maka ha'u todan loos, sofre kustipadu. Iha Kinta,14-6 ha'u ba konsulta iha UNMIT nia klinika....Iha Segunda, 18-6 ha'u tama servisu, maibe sinti ba bainhira la'o atu monu sala, tanba fraku loos. Apai mos oras ne'e kustipadu....]

-PANORAMA POLITIKA TIMOR-LESTE NIAN-

*) Dezenvolvimentu iha kampu sa deit labele la'o ho diak, bainhira iha rai ida laiha estailidade politika;

*) Problema AR nian kontinua hetan naroman ba solusaun ho desizaun PR nian atu hapara operasaun militar. Pelumenus buat ne'e pasu pozitivu ida... Ita bele dada iis oituan...Ita haree deit sa maka atu sei mosu..

*) Atu tama ba kampu batalla politika, ita tenke "tasak". Ne'e buat ida maka natural. Se ita kontra kondisaun ida ne'e, ita sei haree katak buat maka la midar maibe sin maka barak...

*) Ukun nain sira tenki investa didiak iha otas nurak sira. Sira maka sei kaer kuda talin iha tempu ikus mai...

****